# Vocdonik eta Holonymek bat egin dute, pribatutasuna lehenesten duen bozketa indartzeko

Pozarren iragartzen dugu **Vocdoniren eta Holonymen arteko lankidetza estrategikoa**: erabiltzaileek bozketa digitaletan autentifikatzeko duten modua sinplifikatzea du helburu, aldi berean **pribatutasunaren langa nabarmen igoz**. Sistema honek Vocdoniren beste pribatutasun-ezaugarri batzuk osatzen ditu, besteak beste [zkSNARK bidezko identitate anonimoa](https://blog.vocdoni.io/anonymous-voting-zksnarks).

Vocdoniren blockchain bidezko bozketa-teknologia segurua eta Holonymen ezagutza zeroko identitate-egiaztapeneko sistemak¹ konbinatuta, **funtsezko erronka bati heldu diogu: hauteslearen benetakotasuna bermatzea, pribatutasuna sakrifikatu gabe**. Lankidetza honek aro berri bati irekitzen dizkio ateak: **bozketa gardena, irisgarria eta Sybil erasoekiko erresistentea**, mundu osoko prozesu demokratikoak hobetzeko asmoz, bai Web2 bai Web3 merkatuetan.

Gaur-gaurkoz, **Holonymek 190 herrialdetako nortasun-agiriak onartzen ditu**, eta horrek mundu errealeko erabilera-kasuak ahalbidetzen ditu; gainera, pertsona bakoitzak boto bakarra emango duela bermatzen du DAOetan eta Web3 komunitateetan, pribatutasuna errespetatzen duten KYC metodoen bidez.

**Vocdoni boto-protokolo irekiaren** gainean, integrazio honek gobernantza-aukera berriak zabalduko ditu, eta irrikaz gaude horiek errealitate bihurtzeko.

Datozen egunetan, **Holonymekiko lehen integrazioa abiaraziko dugu,** [**Gitcoin Passport**](https://passport.gitcoin.co/) **erabiliz, eta ondoren integrazio zuzen gehiago etorriko dira**. Lankidetza honi eta bozketa digitalaren etorkizunean izango duen eraginari buruz gehiago jakiteko, **irakurri** [**iragarpen osoa Holonymen blogean**](https://paragraph.xyz/@holonym/revolutionizing-democratic-processes-vocdoni-and-holonym-partnership).

---

¹ _Holonym v3-k aurrerapauso handia dakar norberak bere kredentzialak zaintzeko bidean (self-custody): zk-SNARKak alde batera utzi, eta VOLEn (Vector Oblivious Linear Evaluation) oinarritutako ZK froga informazio-teorikoki seguruetara igaro da. Arkitektura honek bermatzen du frogak bezeroaren aldean sortzen direla, kontsumoko hardwarean. Gailu horietan zk-SNARKak konputazio sinpleetara mugatuta dauden bitartean, VOLEn oinarritutako ZK frogek frogatzailearen eraginkortasuna 1.000 aldiz hobetzen dute zk-SNARKekin alderatuta. Hobekuntza horri esker, protokoloak hainbat iturritako kredentzialei buruzko edozein datu egiazta dezake: NFC bidezko pasaporteak, Aadhar, posta elektronikoaren jabetza (DKIM sinaduren bidez), web-kontuen jabetza (JWTen bidez), eta agian Ethereumen egoera-zuhaitzak ere bai, dena kontsumoko hardwarean._